Dunnottar Castle (Scots Gaelic: Dùn Fhoithear, "fort on the shelvin slope") is a ruined medieval fortress locatit upon a rocky heidland on the north-east coast o Scotland, aboot 3 kilometres (1.9 mi) sooth o Stanehaiven. The survivin biggins are lairgely o the 15t an 16t centuries, but the steid is believed tae hae been fortified in the Early Middle Ages. Dunnottar haes played a prominent role in the history o Scotland throu tae the 18t-century Jacobite risins acause o its strategic location an defensive strenth. Dunnottar is best kent as the place whaur the Honours o Scotland, the Scots croun jewels, war hidden frae Oliver Cromwell's invadin airmy in the 17t century. The property o the Keiths frae the 14t century, an the seat o the Earl Marischal, Dunnottar declined efter the last Earl forfeited his teetles bi takin part in the Jacobite rebellion o 1715. The castle wis restored in the 20t century an is nou open tae the public.